حوارمضحك بين الابن وجدته

بسم الله الرحمن الرحيم



السلام عليكم ورحمه الله وبركاته



الله أكبر الله أكبر..أذان الظهر
يارب.. يارب بحق ده الآدان تنجح يا نون يابن ابنى وأشوفك دكتور أد الدنيا
ياستى بس أنا فى تجارة
وماله يابنى هو يكتر على ربنا ده ربنا قادر على كل شئ
ياستى ونعم بالله بس اللى بيطلع دكتور لازم يكون فى كلية الطب مش التجارة
ياللا تجارة تجارة ومالها التجارة دى حتى التجارة شطارة
ده الله يرحمه جدك كان تاجر فى الوكالة أد الدنيا
ياستى التجارة اللى فى الوكالة حاجة واللى فى الكلية حاجة تانية
ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق
جدى إيه اللى هايخدنى معاه ده جدى مات من زمان ياستى
يامصيبتى هو جدك مات ياحبيبى ياأخويا مكنش يومك ياسبعى
ياستى ده ميت من تلتين سنة
تلتين سنه ده العمر بيجرى ياولاد تصدق ولا حسيت بيهم ياللا أهو غار فى داهيه قطع وقطعت سيرته ده كان بخل الدنيا فيه أن ما عمره دخل عليه ببطيخة ولاكيس جوافة
ياستى حرااام عليكى عايز أذاكر بقى حراااااااااااااااااااااااااااااااااااااااااااااااا ام
يووه وأنا ماسكاك ياوله ذاكر ذاكرعشان ربنا يكرمك وتنجح وتاخد الدبلون
ياستى دبلون إيه أسمه البكالوريوس
أنته عتضحك عليه ياوله أسمه الدبلون الواد ابن سنيه جدع زيك كده فى مدرسة التجارة وخد الدبلون
خلاص دبلوم دبلوم ياستى سيبينى بقى عشان أذاكر
ذاكر ذاكر ياأخويا ذاكر تعرف ياواد ندرن عليا يوم ماتنجح لأكون رايحه خاطبالك عبير بت مجيده دى إيه ياواد أدب وأخلاق وعلام كمان
ياستى عبير دى معاها أعدادية
وماله يابنى الراجل مايعبهوش إلا جيبه
راجل راجل مين ياستى عبير دى بنت
عبير ...عبير مين ياوله أنته بتعرف بنات من ورانا
لا إله إلا الله .. أبوس رجلك ياستى أرحمينى بقى
طب ذاكر ذاكر جتك نيله وأنته طالع براوى كده زى أمك .قطعت وقطعت سيرتهاأنامش عارفه أبوك كان أجوزها على إيه..حكم
عروسة بس واللى نبى النبى نبى لكون مبوظه الخطوبة دى ومجوزاه صفيه بت أختى
ياستى خطوبة إيه أبويا مجوز أمى من خمسة وعشرين سنة وبعدين صفيه دى بنت أخوك مش بنت أختك وأساسا إنتى ملكيش إخوات بنات
صحيح ياوله أنت عندك حق أنا مليش إخوات بنات أصلى أنا أمى ماكنتش بتخلف صبيان
حراااااااااااااااااااااااااااااااااام ستى ماتطلعى البلكونة شويه ده الهوا حلو بره
لأياخويا فى جدع كده حليوه وشعره مسبسب فى البلكونه اللى فى الوش بيقعد يعاكسنى
خلاص روحى المطبخ أهو زمان أمى خلصت الرز
رز..رزإيه يابنى هوأنا ليه سنان للرز أناهطلع البلكونه أحسن
طب أبقى خلى بالك من الهوى ياستى
هوى لما يلطشك
يارب يكون الموضوع عجبكم
وشكرا
__________________